Qyrǵyzstan Reseıdegi eńbek mıgranttary quqyǵy buzylýyna baılanysty EAEO sotyna shaǵymdandy

ASTANA. KAZINFORM – Bul týraly Qyrǵyzstannyń Mindetti medıtsınalyq saqtandyrý qorynyń tóraǵasy Azamat Muqanov Jogorký Keneshtiń Eńbek, densaýlyq saqtaý, áıelder isteri jáne áleýmettik máseleler jónindegi komıtetiniń otyrysynda «Azamattardy medıtsınalyq saqtandyrý týraly» zańǵa túzetýlerdi talqylaý kezinde málimdedi, dep habarlaıdy Kazinform menshikti tilshisi. 

Depýtat Gúlnara Baatyrova EAEO aıasynda eńbek mıgranttarynyń medıtsınalyq kómekke qoljetimdiligin keńeıtý qajettiligine nazar aýdardy.

Azamat Muqanov bul salada jumys júrgizilip jatqanyn atap ótti. 

- Qyrǵyz tarapy Eýrazııalyq ekonomıkalyq odaq sotyna shaǵymdandy. Ótken aptada otyrys ótti, sheshim eki aptadan keıin qabyldanady. Reseı tarapy EAEO aıasynda eńbek mıgranttaryna qatysty kelisimniń medıtsınalyq saqtandyrý polısterin berýge qatysty 96 jáne 97-baptaryn oryndamaı otyr. Mindetti medıtsınalyq saqtandyrý eńbek mıgranttarynyń otbasy múshelerine de qoldanylýy kerek. Bul másele qarasha aıynda Reseı vıtse-premer-mınıstri Alekseı Overchýktiń Qyrǵyzstanǵa sapary kezinde de kóterildi, - dedi ol.

Buǵan deıin EAEO elektrondy kommertsııaǵa biryńǵaı erejeler engizetinin habarladyq.