Qyrǵyzstan prezıdentiniń bolashaq kúıeý balasy ne úshin ustaldy - bıliktiń túsiniktemesi

ASTANA. KAZINFORM – Qyrǵyzstan prezıdentiniń baspasóz hatshysy Asqat Alagózov Lázzat Nurqojoevanyń bolashaq kúıeýiniń qamaýǵa alynǵany týraly aqparatqa qatysty túsinikteme jarııalady, dep habarlaıdy Kabar aqparat agenttigi.

«Prezıdent Sadyr Japarovtyń inisiniń qyzynyń bolashaq kúıeýin quqyq qorǵaý organdary ustaǵanyn rastaımyz. 

Eske sala ketsek, er adam Lázzat Nurqojoevaǵa tikushaqta úılený týraly usynys jasaǵannan keıin tanymal boldy.

Biraq jas jigittiń basty maqsaty — onyń zańsyz áreketterin qorǵaý úshin bıliktegi adamdardy tabý dep aıtýǵa tolyq negiz bar.

Prezıdent Sadyr Japarov kim bolmasyn, onyń zańsyz áreketin jasyrmaıtynyn atap ótkim keledi. 

Burynǵy jigiti men onyń sybaılastarynyń zańsyz áreketteriniń mán-jaılary tergeý barysynda anyqtalatyn bolady», — dep jazdy Alagózov.