Qyrǵyzstan Prezıdentine 2 ret qastandyq jasamaq bolǵandardyń joly kesildi

ASTANA. KAZINFORM – Qyrǵyzstan Prezıdenti Sadyr Japarovqa 2 ret, Ulttyq qaýipsizdik memlekettik komıtetiniń tóraǵasy Qamshybek Tashıevke 5-6 ret qastandyq jasamaq bolǵandardyń joly kesildi. Bul týraly Qamshybek Tashıev málim etti, dep habarlaıdy Kazinform Kabar agenttigine silteme jasap.

Qamshybek Tashıevtiń aıtýynsha, ol kólikpen júrip ótetin joldy jaryp jibermek bolǵan. Ulttyq qaýipsizdik memlekettik komıtetine hat ta kelgen. Onda komıtet tóraǵasy men onyń otbasyn qorqytý maqsatyndaǵy mátin jazylǵan.

Tashıev sol mátinnen sheteldik barlaý qyzmetteri men keıbir olıgarhtardyń qoltańbasyn tanyǵanyn jetkizdi.

«Sender maǵan usynǵan mıllıondardy alǵan joqpyn. Senderdi bizdiń elde krımınalıtet te, olıgarhtar da bolmaıtyny ashýlandyrdy. Eger meniń kózimdi joısańdar, bári ózderińe qaıtyp keledi. Bálkim, maǵan zalaldaryńdy tıgizetin de shyǵarsyńdar. Biraq keýdemde janym turǵanda osy bastaǵan jolymnan qaıtpaımyn», - dedi Qamshybek Tashıev.

Osyǵan deıin Qyrǵyzstanda mektepte zańsyz aqsha jınaǵandarǵa aıyppul salynatyny týraly habarladyq.