Qyrǵyzstan prezıdenti UQMK burynǵy basshysymen aradaǵy kelispeýshilik týraly túsinik berdi

BІShKEK. KAZINFORM — Qyrǵyzstan prezıdenti Sadyr Japarov «Kabar» agenttigine bergen suhbatynda keıbir azamattardyń UQMK burynǵy basshysy Qamchybek Tashıevpen aradaǵy kelispeýshilikke qatysty alańdaýshylyǵyna qatysty túsinik berdi, dep habarlaıdy Kazinform-nyń Bishkektegi menshikti tilshisi. 

Qyrǵyz basshysy kópshiliktiń ári qaraı ne bolatyny týraly suraǵyna jaýap berdi. 

— Eshteńe bolmaıdy. Bul máseleni tragedııaǵa aınaldyrýdyń qajeti joq. Tipti burynǵydan da jaqsy bolady. Ómir toqtamaıdy. Bir dosym ketse, artymda 7 mıllıonnan astam dosym tur. Halqymyz ben qutty memleketimiz men úshin eń qymbat, — dep atap ótti ol.

Sadyr Japarovtyń aıtýynsha, ishki jáne syrtqy saıasat burynǵydaı júzege asyryla beredi, al ekonomıkalyq ósim tek artady.

— Halyqtyń tynyshtyǵyn kim buzsa da qatań jazalanady. Bizde buǵan aqyl da, kúsh te jetedi, — dep atap ótti Qyrǵyzstan prezıdenti.

Eske sala ketsek, 10 aqpanda Qamchybek Tashıev mınıstrler kabıneti tóraǵasynyń orynbasary — UQMK tóraǵasy qyzmetinen bosatyldy.

UQMK basshysynyń aýysýynan keıin tóraǵanyń úsh orynbasary qyzmetinen bosatyldy.

Qyrǵyzstan prezıdenti sońǵy kadrlyq sheshimder neden týyndaǵanyn túsindirdi. 

16 aqpanda Jogorký Keneshtiń halyqaralyq ister, qorǵanys, qaýipsizdik jáne kóshi-qon komıteti Jýmgalbek Shabdanbekovtiń Ulttyq qaýipsizdik memlekettik komıtetiniń tóraǵasy laýazymyna kandıdatýrasyn qoldady. Keıin ol bul qyzmetke taǵaıyndaldy.