Qyrǵyzstan prezıdenti UQMK basshysy Qamshy Kólbaevtyń óltirilgeni týraly sózine túsinik berdi

ASTANA. KAZINFORM — Sadyr Japarov «Kabar» agenttigine bergen suhbatynda UQMK basshysy Qamshybek Tashıevtiń zańdy ury Qamshy Kólbaevtyń óltirilgeni týraly málimdemesine qatysty túsinik berdi, dep habarlaıdy Kazinform menshikti tilshisi.

Qyrǵyzstan basshysynyń atap ótýinshe, UQMK tóraǵasy JOO oqytýshylarymen kezdesýinde ana tili emes orys tilinde sóılegenin atap ótti. Sondyqtan onyń qylmystyq álem kóshbasshylarynyń birin joıý týraly sheshimdi ózi qabyldaǵany týraly málimdemesi jetkilikti dálel aıtylǵan joq. 

— Joǵaryda atalǵan oqıǵaǵa kelsek, rasynda da, aqparat túsken boıda men Bas prokýrorǵa telefon soǵyp: «Oqıǵa bolǵan jerge tez arada baryp, muqııat tekserip, maǵan aqparat berińizder», dedim, — dep baıandady Qyrǵyzstan basshysy. 

Bas prokýror men áskerı prokýrordyń málimetinshe, Qamshy Kólbaevty ustaý áreketi kezinde ol qarýmen qarsylyq tanytqan. Qaýipsizdik kúshteri óz ómirin qorǵaý úshin oq jaýdyrýǵa májbúr boldy, aqyry kúdikti qaza boldy.

— Basqa sózben aıtqanda, qyzmetkerler ózderine berilgen ókilettikter men zań sheńberinen shyqqan joq. Qylmyspen kúresý úshin zań men ereje bar. Bul zańdar eshqandaı buıryqsyz qoldanyldy jáne oryndalyp keledi. Bul týraly orys tilinde sóılegen Qamshybek Qydyrshauly oıdy tolyq jetkize almady, — dep túsindirdi prezıdent.

Buǵan deıin Qyrǵyzstan Ulttyq qaýipsizdik memlekettik komıtetiniń tóraǵasy Qamshybek Tashıev memleket múddesi úshin qylmystyq álem serkesi Qamshy Kólbaevty óltirý týraly sheshim qabyldaýǵa májbúr bolǵanyn jáne Qyrǵyzstannyń uıymdasqan qylmystan azat elge aınalǵanyn aıtty.