Qyrǵyzstan prezıdenti Tsıfrlyq damý mınıstrligin taratyp jiberdi
BІShKEK. KAZINFORM – Qyrǵyzstan basshysy Tsıfrlyq damý jáne ınnovatsııalyq tehnologııalar mınıstrligin taratý jáne onyń keıbir fýnktsııalaryn Prezıdent Іs basqarý basqarmasyna berý týraly sheshimine túsinikteme berip, mınıstrlik jumys istep turǵan kezde shamadan tys bıýrokratııa men jaýapkershiligin basqaǵa artý onyń jumysynyń tıimdi damýyna kedergi keltirgenin atap ótti.
- Tsıfrlyq damý mınıstrligi shamamen bes jyl boıy táýelsiz vedomstvo retinde jumys istedi. Alaıda ózine júktelgen mindetterdi oryndamaǵandyqtan, onyń keıbir mekemelerin Prezıdent Іs basqarmasyna berý týraly sheshim qabyldandy. Qysqa merzim ishinde jumys aıtarlyqtaı belsene tústi, - dep atap ótti ol.
Qyrǵyz basshysynyń aıtýynsha, sońǵy bes jylda Qyrǵyzstanda jarııalanǵan árbir reforma eleýli qarsylyqqa tap bolyp otyr.
- Burynǵy sheneýnikterdiń, qazirgi joǵary laýazymdy tulǵalardyń bolsyn jeke múddeleri únemi týyndap keledi. Salada naqty reformalar bastalsa, birden janjal naýqany bastalady: blogerler men tilshiler jumysqa alynyp, áleýmettik jelilerde qaqtyǵys týyndaıdy, - dedi Qyrǵyzstan prezıdenti.
Sadyr Japarov mańyzdy reformalar kezeńinde qyrǵyz azamattaryn nátıjelerge qarap, aqparattyq shýǵa senbeýge shaqyrdy.
Osyǵan deıin Qyrǵyzstanda bilim berý salasy qyzmetkerlerin marapattaý júıesi jańartylǵanyn jazdyq.
