Qyrǵyzstan Prezıdenti Sadyr Japarov Astanaǵa keldi
ASTANA. KAZINFORM – Qyrǵyzstan Prezıdenti Astanaǵa Ortalyq Azııa memleketteri basshylarynyń VI konsýltatıvtik kezdesýine jáne «Ortalyq Azııa + Japonııa» dıalogy memleketter basshylarynyń birinshi sammıtine qatysý úshin keldi, onda ıntegratsııalyq úderisterdi odan ári damytý máseleleri talqylanady.
Sadyr Japarovty Premer-Mınıstr Oljas Bektenov áýejaıda qarsy aldy.
Ótken jyldyń qorytyndysy boıynsha Qazaqstan men Qyrǵyzstan arasyndaǵy taýar aınalymy 26%-dan astam ósti. Osy jyldyń 5 aıynda ózara saýda kólemi $614,3 mln-dy qurady, bul rette qazaqstandyq taýarlar eksporty 6,7%-ǵa artty.
Qazirgi ýaqytta bıylǵy sáýir aıynda eki memleket basshylary qol qoıǵan Qazaqstan men Qyrǵyzstan arasyndaǵy odaqtastyq qatynasty tereńdetý jáne keńeıtý týraly shart erejelerin iske asyrý boıynsha úkimetter deńgeıinde birlesken jumys júrgizilýde.
Atap aıtqanda, saýda-ekonomıkalyq, kólik-logıstıkalyq yntymaqtastyqty arttyrý, sý-energetıka, aýyl sharýashylyǵy salalaryndaǵy ózara is-qımyldy tereńdetý jumystary atqarylýda.
