Qyrǵyzstan Prezıdenti Sadyr Japarov Astanaǵa keldi

ASTANA. KAZINFORM — «Ortalyq Azııa – Italııa» sammıtine qatysý úshin Qyrǵyz Respýblıkasynyń Prezıdenti Sadyr Japarov Qazaqstanǵa keldi. Bul týraly Úkimettiń baspasóz qyzmeti habarlady. 

Ótken jyly Qazaqstan men Qyrǵyzstan arasyndaǵy taýar aınalymy $1,7 mlrd-tan asqan bolatyn.

Birinshi toqsannyń qorytyndysyna sáıkes, ózara saýda-sattyq ótken jylmen salystyrǵanda 25%-ǵa artyp, 435 mln dollar boldy. Qazaqstan taýarlary eksporty 32,7%-ǵa ósti.

Búginde eki el úkimetteri aldyna ózara taýar aınalymyn $3 mlrd-qa deıin jetkizý mindeti qoıyldy.

Aıta ketelik Túrikmenstan Prezıdenti Serdar Berdimuhamedov «Ortalyq Azııa – Italııa» sammıtine qatysý úshin Astanaǵa kelgen edi.