Qyrǵyzstan Premer-Mınıstriniń otstavkaǵa ketýine qatysty túsinik berdi

BІShKEK. KAZINFORM – Qyrǵyzstan basshylyǵynyń sheshimi týraly Qyrǵyz Respýblıkasy Mınıstrler kabıneti tóraǵasynyń orynbasary Edıl Baısalov Facebook-tegi paraqshasynda jazdy, dep habarlaıdy Kazinform menshikti tilshisi.

Qyrǵyzstan basshylyǵynyń mınıstrler kabıneti men prezıdent ákimshiliginiń basshysyn rotatsııalaý týraly sheshimi eldiń serpindi órleýine jańa qarqyn berip, basqarý stılin jańartý nıetinen týyndady.

Onyń pikirinshe, Aqylbek Japarov el tarıhynda Qyrǵyz Respýblıkasy táýelsizdiginiń alǵashqy otyz jylynda jınaqtalǵan barlyq baǵa jetpes tájirıbeni jınaqtaǵan, bıliktiń búkil vertıkalin tolyǵymen qaıta baǵdarlamalaǵan jáne qaıta iske qosqan memleket qaıratkeri retinde qalady.

— Aqylbek Japarov jumys barysynda eshbir jaǵynan abyroıyn túsirgen joq. Ol Mınıstrler kabınetiniń tóraǵasy jáne Prezıdent Ákimshiliginiń basshysy qyzmetin taza ar-ujdanmen jáne basyn tik turyp, elimizdiń búkil tarıhyndaǵy osy qyzmettegi eń kórnekti jetistikterimen tapsyryp otyr», - dep túsindirdi ol.

Mınıstrler kabıneti basshysynyń orynbasary atap ótkendeı, Aqylbek Japarov alysqa ketpeıdi. Ol el basshysynyń eń jaqyn serigi retinde qasynda bolyp, halyq ıgiligi úshin aıanbaı qyzmetin jalǵastyra bermek.

Eske sala ketsek, 16 jeltoqsanda Qyrǵyzstan Premer-Mınıstri otstavkaǵa ketti.