Qyrǵyzstan pornosaıttardyń jumysyna tyıym salýy múmkin
ASTANA. KAZINFORM – Qyrǵyzstan parlamentiniń Kólik, kommýnıkatsııa, arhıtektýra jáne qurylys komıteti eldiń ınternet keńistiginde pornografııalyq materıaldar bar saıttarǵa kirýge shekteý qoıýmen baılanysty zań jobasyn ekinshi jáne úshinshi oqylymda maquldady, dep habarlaıdy Kazinform mnshikti tilshisi.
Qujat talaptaryna sáıkes, azamattardyń rýhanı jáne adamgershilik qundylyqtaryn qorǵaý maqsatynda eldiń ınternet keńistigindegi pornografııalyq sıpattaǵy elementteri bar kontenttiń taralýyna tyıym salynady. Sonymen qatar osyndaı materıaldardy taratqandarǵa da jaýapkershilik qarastyrylǵan.
Qujat kúshine ense, pornografııalyq kontenti bar saıttar osy talap týraly arnaıy habardar etilgennen keıin 24 saǵat ishinde buǵattalady. Saıt ıeleri mundaı kontentti 24 saǵat ishinde joıýy kerek.
Zań talaptaryn oryndamaǵan saıttyń jumysy jańa resýrstar jasaýǵa tyıym salyna otyryp, eki aıǵa deıin toqtatylady. Resýrsqa qoljetimdilik kontent joıylǵannan keıin nemese sot sheshiminen soń qalpyna keltiriledi.
Osyǵan deıin Almaty prokýrorlary júzden astam pornografııalyq mazmundaǵy saıtty buǵattaǵany týraly jazdyq.
Sondaı-aq ınternetten pornografııa, esirtki men sýıtsıdti nasıhattaıtyn 10 myń zańsyz materıal tabyldy.