Qyrǵyzstan parlamentine jańa spıker saılandy

ASTANA. KAZINFORM — Depýtat Marlen Mamatalıev Qyrǵyzstan Jogorký Keneshiniń jańa tóraǵasy bolyp saılandy, dep habarlaıdy Kazinform agenttiginiń menshikti tilshisi.

«Ala-Too» jáne «Eldık» depýtattyq toptary Marlen Mamatalıevtiń kandıdatýrasyn parlament spıkeri qyzmetine usyndy.

Onyń kandıdatýrasyn 83 depýtattyń 77-si qoldap daýys berdi, 5 depýtat qarsy shyqty.

Eske salaıyq, 12 aqpanda ótken parlament otyrysynda Jogorký Keneshtiń burynǵy tóraǵasy Nýrlanbek Týrgýnbek ýýlý óz erkimen qyzmetinen ketý týraly ótinish bergen.

Buǵan deıin Qyrǵyzstan UQMK basshylyq quramynda aýqymdy kadrlyq ózgerister bolǵany habarlanǵan edi.

Sondaı-aq Qyrǵyzstanda Prezıdent janynan Memlekettik kúzet qyzmeti qurylyp, Shekara qyzmeti UQMK quramynan shyǵarylyp, Qyrǵyz Respýblıkasynyń Memlekettik shekara qyzmeti retinde derbes qurylymǵa aınaldy.