Qyrǵyzstan parlamenti komıteti UQMK-nyń jańa tóraǵasy kandıdatýrasyn maquldady
ASTANA. KAZINFORM — 16 aqpanda Jogorký Keneshtiń halyqaralyq ister, qorǵanys, qaýipsizdik jáne kóshi-qon komıteti Jýmgalbek Shabdanbekovtiń Ulttyq qaýipsizdik memlekettik komıtetiniń tóraǵasy laýazymyna kandıdatýrasyn qoldady.
Kandıdat týraly aqparatty Prezıdent pen Mınıstrler kabınetiniń Jogorký Keneshtegi ókiletti ókili Bektýr Zýlpıev tanystyrdy.
Komıtet Jýmgalbek Shabdanbekovti Qyrǵyz Respýblıkasynyń Ulttyq qaýipsizdik memlekettik komıteti tóraǵasy qyzmetine taǵaıyndaýǵa kelisim berý máselesin maquldap, ony Jogorký Keneshtiń qaraýyna joldady.
Eske salaıyq, ótken aptada Kamchybek Tashıev Mınıstrler kabıneti tóraǵasynyń orynbasary — UQMK tóraǵasy qyzmetinen bosatylǵan bolatyn. UQMK basshysy aýysqannan keıin komıtet tóraǵasynyń úsh orynbasary da qyzmetterinen bosatyldy.
Keıinirek Qyrǵyzstan prezıdenti sońǵy kadrlyq sheshimder neden týyndaǵanyn túsindirdi.