Qyrǵyzstan Parlamenti qyrkúıekte prezıdent saılaýy ótetin kúndi belgileıdi
ASTANA.KAZINFORM - Jogorký Kenesh prezıdent saılaýy ótetin kúndi 17 qyrkúıektegi sessııasynda belgileýi múmkin, dep habarlaıdy agenttiktiń Bishkektegi tilshisi.
Bul týraly Qyrǵyzstan Ortalyq saılaý komıssııasynyń tóraǵasy Tynchtyq Shaınazarov AKIpress agenttigine bergen suhbatynda málimdedi.
-17 tamyzda men Jogorký Kenesh tóraǵasyna 17 qyrkúıektegi parlament sessııasynyń kún tártibine osy máseleni engizýdi surap hat joldadym, - dedi OSK tóraǵasy.
T.Shaınazarovtyń aıtýynsha, eger Jogorký Kenesh qaýlyny 17 qyrkúıek kúni qabyldasa, kandıdattardy resmı túrde usyný kelesi kúni, 18 qyrkúıekte bastalady.
Qyrǵyzstan zańyna sáıkes, prezıdent saılaýyn parlament keminde tórt aı buryn taǵaıyndaıdy.
Buǵan deıin Qyrǵyzstan prezıdenti ekinshi merzimge saılaýǵa túsý nıetin habarlaǵan bolatyn.
