Qyrǵyzstan Parlamenti bilim berýdi 12 jyl emes, 10 jyl etýdi usyndy

ASTANA.KAZINFORM - Búgin Jogorký Keneshtiń Áleýmettik saıasat komıteti áleýmettik salany damytý máseleleri jónindegi parlament qaýlysynyń oryndalýy týraly mınıstrlikterdiń esebin tyńdady, dep jazady Qyrǵyzstannyń Kabar agenttigi.

Depýtat Kamıla Talıeva Qyrǵyzstanda 12 jyldyq bilim berýge kóshý jobasynyń júzege asatynyna senbeıtinin málimdedi. Ol eldiń 12 jyldyq bilim berýge sapaly kóshetinine, qajetti oqý materıaldarymen qamtamasyz etiletinine senbeıtinin aıtty.

- Biz12 jyldyq bilim berý júıesine kóshýge daıyn emespiz jáne jaqyn arada aýysa almaısyz. Olar (Bilim mınıstrligi) bul baǵdarlamany júzege asyratynyna USAID halyqaralyq uıymyna sendi. USAID-tiń 24 jobasynyń 22-si jabylyp, eki joba ǵana qaldy. Olar bul baǵdarlamany USAID jasaıdy dep úmittendi. 10 jyldyq bilim berýge kósheıik. Tipti Ulybrıtanııa KSRO júıesine qaıta oralýda. Odan da bilimniń deńgeıi men sapasyn arttyraıyq. Olardyń qaıda baratynyn kóremiz. Olar Sıngapýr týraly, Malaızııa týraly aıtady. Olardyń maqsaty grantqa túsý, bitti. «Bilim berý júıesi senderge oıynshyq emes, ony qurtyp jatyrsyńdar, - dedi depýtat.

Alaıda Talıeva Bilim mınıstrligine óz málimdemesine qatysty túsinik berýden bas tartty.

Osyǵan deıin AQSh USAID-ty nege taratyp jatqany týraly materıal jarııalaǵan edik.