Qyrǵyzstan palestınalyqtardyń Gazadan kúshtep kóshirilýine qarsy shyqty
BІShKEK. KAZINFORM – Jenevada ótken BUU Adam quqyqtary keńesiniń otyrysynda Qyrǵyzstan Mınıstrler kabıneti tóraǵasynyń orynbasary Edıl Baısalov Palestınadaǵy jaǵdaıǵa erekshe nazar aýdardy, dep habarlaıdy Kazinform agenttiginiń menshikti tilshisi.
Qyrǵyzstandyq sheneýnik halyqaralyq qaýymdastyqty ádilettilik úshin sheshýshi áreketke shaqyrdy.
- Palestına halqyn kúshtep kóshirýdiń kez kelgen áreketi etnıkalyq tazalaýdan basqa eshteńe emes. Biz mundaı bastamalardy úzildi-kesildi qabyldamaımyz jáne halyqaralyq qaýymdastyqty tutas bir halyqty ujymdyq jazalaýǵa jol bermeýge shaqyramyz, - dep málimdedi ol.
Qyrǵyzstan Palestına halqynyń ózin-ózi anyqtaý quqyǵyn qoldaıtynyn qýattady. Edıl Baısalov uzaq merzimdi beıbitshilik tek halyqaralyq quqyqty qurmetteý jáne teń dıalog arqyly ǵana múmkin ekenin atap ótti.
Buǵan deıin Mysyr men Iordanııa palestınalyqtardy qonystandyrýǵa qarsy shyqqanyn jazǵan bolatynbyz.
Buǵan deıin oqyrman nazaryna shyǵystanýshy Janat Momynqulovtyń Tramptyń Gaza sektoryna qatysty málimdemesine oraı bergen suhbatyn usynǵan edik.