Qyrǵyzstan Ózbekstanmen baılanystyratyn jańa joldar salýdy josparlap otyr

ASTANA. Kazinform - Qyrǵyzstan úkimeti aldaǵy jyldary birqatar kólik jobasyn júzege asyrýdy josparlap otyr. Bul jańa temir joldar salý men kólik ınfraqurylymyn jańǵyrtýdy kózdeıtin 2030 jylǵa deıingi ulttyq damý baǵdarlamasynda kózdelgen. 

Qujatta respýblıkanyń teńizge shyǵa almaıtyn taýly el mártebesin eskere otyryp, kóliktik-logıstıkalyq ıntegratsııanyń jáne baǵyttardy ártaraptandyrýdyń mańyzdylyǵy atap ótilgen.

Shekteýli ınfraqurylym, logıstıkalyq ortalyqtardyń bolmaýy jáne álsiz halyqaralyq ıntegratsııa saýda áleýetin jáne ekonomıkanyń básekege qabilettiligin tómendetedi.

Іshki joldardyń, kópirlerdiń jáne temir joldardyń joǵary deńgede tozýy ishki tasymaldaý qunynyń joǵarylaýyna, júk tasymalynyń tómendeýine jáne apattardyń kóp bolýyna ákeledi.

Úkimettiń málimetinshe, kólik salasynyń el ekonomıkasyna qosqan úlesi shamamen 0,5 mıllıard dollardy quraıdy.

Josparlanǵan jobalardyń biri – Qytaı-Qyrǵyzstan-Ózbekstan temir jolynyń qurylysy eldiń tranzıttik múmkindikterin aıtarlyqtaı keńeıtip, aımaqtaǵy saýda qatynastaryn jaqsartýǵa tıis.

Sondaı-aq, Batken óńirin damytý jospary aıasynda jańa jumys oryndaryn ashýǵa, kólik pen saýda deńgeıin arttyrýǵa múmkindik beretin Batken-Qoqan temir jolyn salý josparlanýda. Batken men Razzaqov áýejaılaryn jańǵyrtý da josparda bar.

Atap aıtqanda, Chatqal-Tashkent balamaly jolyn, halyqaralyq áýejaıdy, ındýstrıaldy aımaqtardy jáne Jalalabadtaǵy Chatqal Rezort shańǵy bazasyn salý josparlanýda.

Eske sala keteıik, Qyrǵyzstanda Tájikstan jáne Ózbekstan shekarasynda baqylaýdy kúsheıtý usynyldy.