Qyrǵyzstan Olımpıada júldegerlerine ómir boıy stıpendııa tóleıdi
ASTANA. KAZINFORM — Qyrǵyzstan Olımpıada, Paralımpıada jáne Sýrdolımpıada chempıondary men júldegerlerine, sondaı-aq olımpıadalyq sport túrlerinen álem chempıony bolǵandarǵa zeınetke shyqqannan keıin ómir boıy aı saıynǵy stıpendııa tóleý tártibi resmı túrde engizip jatyr, dep habarlaıdy Kazinform agenttiginiń Bishkektegi menshikti tilshisi.
Jańa tólem júıesi resmı túrde 2027 jyldyń 1 qańtarynan bastap kúshine enedi.
Olımpıada júldegerlerine stıpendııalar kelesi mólsherde tólenedi:
• 1-oryn (altyn) - 30 000 som nemese 153 000 teńge
• 2-oryn (kúmis) - 25 000 som nemese 128 000 teńge
• 3-oryn (qola) - 20 000 som nemese 102 000 teńge
Sonymen qatar Olımpıadalyq sport túrlerinen eresekter arasyndaǵy álem chempıondaryna 20 000 som nemese 102 000 teńge stıpendııa taǵaıyndalady.
Eger sportshynyń birneshe medali nemese ataǵy bolsa, olardyń árqaısysy úshin bólek stıpendııa berilmeıdi, sportshynyń eń joǵary sporttyq jetistigi úshin bir ǵana stıpendııa taǵaıyndalady.
Buǵan deıin Qyrǵyzstanda sportshylardyń qurama sapyndaǵy jyldary eńbek ótiline sanalatynyn habarlaǵan edik.
Qyrǵyzstanda jalaqy ınflıatsııaǵa qaraı ósedi.
