Qyrǵyzstan Ortalyq Azııa elderine vızasyz rejım engizýdi usyndy
BІShKEK. KAZINFORM – Qyrǵyzstan men Tájikstan arasyndaǵy memlekettik shekara týraly kelisimge qol qoıylýynyń arqasynda Ortalyq Azııada máńgilik beıbitshilik ornady.
Bul týraly Qyrǵyzstan prezıdenti Sadyr Japarov óziniń Facebook-tegi resmı paraqshasynda jazdy.
Sadyr Japarov Ortalyq Azııanyń barlyq elderi shekara máselelerin birjola ózara sheshkenin málimdedi.
- 13 naýryzda Qyrǵyzstan men Tájikstan arasyndaǵy 101 jyl boıy (1924 jyldan beri) sheshilmeı kelgen shekara máselesi birjola sheshildi. Bul eki el úshin ǵana emes, búkil Ortalyq Azııa aımaǵy úshin mańyzdy oqıǵa, óıtkeni qazir aımaqtaǵy barlyq elder shekara máselesin ózara tolyq sheshti dep sanaýǵa bolady. Osy sátten bastap Ortalyq Azııada máńgilik beıbitshilik ornady, - dep atap ótti qyrǵyz basshysy.
Qyrǵyzstan basshysy Ortalyq Azııa elderine ózara vızasyz rejım engizý protsesin bastaýdy, al basqa elderden kelgen qonaqtarǵa aımaqtyń barlyq elderinde erkin júrýge múmkindik beretin biryńǵaı vıza jasaýdy usyndy.
Buǵan deıin Qyrǵyzstan men Tájikstan shekara máselesin tolyq rettegenin jazǵan bolatynbyz.
Jogorký Kenesh komıtetteriniń birlesken otyrysynda Qyrǵyzstan men Tájikstan arasyndaǵy memlekettik shekara týraly úsh kelisim maquldandy.
Soondaı-aq Ózbekstan, Qyrǵyzstan jáne Tájikstan prezıdentteri Shavkat Mırzıeev, Sadyr Japarov jáne Emomalı Rahmon Tájikstanda ótetin kezdesýde Naýryz meıramyn birge toılaıtynyn jazdyq.