Qyrǵyzstan metall synyqtary men qaldyqtaryn eksporttaýǵa salynǵan tyıym merzimin uzartady

ASTANA.KAZINFORM - Qyrǵyzstan Eýrazııalyq ekonomıkalyq odaqtyń kedendik aýmaǵynan tysqary jerlerge qara metall synyqtary men qaldyqtaryn eksporttaýǵa ýaqytsha tyıym salýdy alty aıǵa uzartýdy usynyp otyr, dep habarlaıdy Kazinform agenttiginiń menshikti tilshisi.

Mınıstrler kabınetiniń qaýly jobasy qoǵamdyq talqylaýǵa usynyldy. Qujatqa sáıkes, tyıym salý qara metall synyqtary men qaldyqtaryn, sondaı-aq EAEO TN VED kody 7204 boıynsha jiktelgen qaıta balqytýǵa arnalǵan qara metall quımalaryn (zarıad quımalaryn) eksporttaýǵa qoldanylady.

Bul sharalar ishki naryqty qoldaýǵa, atap aıtqanda, otandyq metallýrgııalyq kompanııalardy shıkizatpen qamtamasyz etý jáne joǵary sapaly qaıtalama metall synyqtaryna degen joǵary suranysty qanaǵattandyrýǵa baǵyttalǵan.

Qaıta óńdeý nátıjesinde alynǵan qara metall synyqtary men qaldyqtarynan jasalǵan daıyn ónimderdi eksporttaýǵa tyıym salynbaǵany atalyp ótti.

Buǵan deıin Qyrǵyzstannyń elektrondy temeki ımportyna ýaqytsha tyıym salǵany habarlanǵan bolatyn.