Qyrǵyzstan men Túrkııa azamattarynyń eki el arasyndaǵy sapary jeńildetilmek

Bishkektegi Ala-Archa memlekettik rezıdentsııasynda Syrtqy ister mınıstrleri Jeenbek Kýlýmbaev pen Hakan Fıdannyń basshylyǵymen Qyrǵyzstan men Túrkııa delegatsııalary arasyndaǵy strategııalyq josparlaý tobynyń birlesken altynshy otyrysy ótti, dep habarlaıdy Kazinform agenttiginiń menshikti tilshisi.

Kezdesý kezinde seriktestikti ary qaraı damytý máseleleri, onyń ishinde joǵary dárejedegi ózara saparlar, ekonomıka, saýda jáne ınvestıtsııa, áskerı-tehnıkalyq seriktestik, bilim berý men densaýlyq saqtaý, azamattardyń quqyn qorǵaý jáne ózara saparlar men elde bolý tártibin jeńildetý taqyryby talqylandy.

Sonymen qatar, taraptar halyqaralyq jáne óńirlik máseleler boıynsha pikir almasty.

9 qańtarda Qyrǵyzstanǵa Túrkııa Syrtqy ister mınıstri Hakan Fıdan resmı saparmen kelgenin eske sala keteıik.