Qyrǵyzstan men Tájikstan sý máseleleri boıynsha yntymaqtastyqty nyǵaıtyp otyr
ASTANA. KAZINFORM — Dýshanbede qyrǵyz-tájik sý sharýashylyǵy komıssııasynyń birinshi otyrysy ótti, dep habarlaıdy Kazinform menshikti tilshisi.
Qyrǵyz Respýblıkasy Sý jáne aýyl sharýashylyǵy mınıstrliginiń málimetinshe, birlesken komıssııa Tájikstan men Qyrǵyzstan arasynda sý resýrstaryn turaqty paıdalaný, sý jáne energetıkalyq nysandarǵa qoljetimdilikti qamtamasyz etý, sondaı-aq sý sharýashylyǵyndaǵy yqtımal máselelerdiń aldyn alý jáne retteý boıynsha kúsh-jigerdi úılestirýde yntymaqtastyqty nyǵaıtýǵa kómektesedi.
Kezdesý barysynda shekaralas aımaqtardaǵy asa mańyzdy gıdrotehnıkalyq qurylystardy jańǵyrtý jáne qalpyna keltirý úshin ınvestıtsııa tartý máseleleri talqylandy.
Kezdesý qorytyndysy boıynsha taraptar komıssııa aıasyndaǵy yntymaqtastyqty jalǵastyrýǵa daıyn ekenin bildirdi.
Qyrǵyzstan men Tájikstan shekara máselesin qalaı sheshkenin myna materıaldan oqı alasyz.