Qyrǵyzstan men Tájikstan shekarasynda 4,7 baldyq jer silkinisi boldy
ASTANA. KAZINFORM — Qyrǵyzstan men Tájikstannyń shekaralas aımaǵynda 28 qazanda 4,7 magnıtýdaly jer silkinisi boldy, dep habarlaıdy Qazaqstan ulttyq derekter ortalyǵy.
Qazaqstan Ulttyq ıadrolyq ortalyǵy Geofızıkalyq zertteýler ınstıtýty derekter ortalyǵynyń jedel derekterine sáıkes, jer silkinisi búgin, 28 qazanda Astana ýaqyty boıynsha saǵat 10:31-de tirkelgen.
Jer silkinisiniń epıtsentri Qyrǵyzstan men Tájikstannyń shekaralas aımaǵynda, soltústik endiktiń 39,45 gradýsynda jáne shyǵys boılyqtyń 73,08 gradýsynda ornalasqan.
Jer silkinisiniń magnıtýdasy 4,7, energetıkalyq klasy 10,7 boldy. Epıtsentr 2 shaqyrym tereńdikte ornalasqan.
Jarııalanǵan jedel derekterde jer silkinisiniń aýyrlyǵy, qurban bolǵandar nemese zalal týraly aqparat berilmegen.
Japonııa jaǵalaýynda magnıtýdasy 7,0 bolatyn jer silkinisi tirkelgenin jazǵan edik.
