Qyrǵyzstan men Tájikstan shekara máselesin tolyq rettedi
BІShKEK. KAZINFORM – Bishkektegi «Ala-Archa» memlekettik rezıdentsııasynda Qyrǵyz-Tájikstan memlekettik shekarasyn delımıtatsııalaý jáne demarkatsııalaý máseleleri boıynsha Qyrǵyzstan men Tájikstan úkimettik delegatsııalarynyń birlesken otyrysy ótti, dep habarlaıdy Kazinform menshikti tilshisi.
Qyrǵyz Respýblıkasy Mınıstrler Kabınetiniń baspasóz qyzmetiniń habarlaýynsha, Qyrǵyz Respýblıkasy men Tájikstan Respýblıkasynyń úkimettik delegatsııalarynyń basshylary Kamchybek Tashıev pen Saımýmın ıAtımov qyrǵyz-tájik shekarasyn delımıtatsııalaý týraly qorytyndy hattamaǵa qol qoıdy.
Otyrys barysynda delegatsııa basshylary kelesi jobalarǵa paragraf berdi:
- Qyrǵyzstan men Tájikstan arasyndaǵy qyrǵyz-tájik memlekettik shekarasy týraly kelisim;
- Qyrǵyzstan men Tájikstan arasyndaǵy avtomobıl joldaryn salý jáne paıdalaný, avtomobıl joldarynyń qıylystaryn damytý jáne paıdalaný týraly kelisim;
- Qyrǵyzstan Mınıstrler kabıneti men Tájikstan Úkimeti arasyndaǵy sý sharýashylyǵy jáne energetıkalyq nysandarǵa qoljetimdilikti qamtamasyz etý týraly kelisim.
Taraptar sondaı-aq tıisti ekijaqty halyqaralyq sharttardy memleket ishinde maquldaý rásimin bastaý jóninde tapsyrma berdi.
Buǵan deıin Qyrǵyzstan men Tájikstan shekara jóninde keliskenin jazǵan bolatynbyz.