Qyrǵyzstan men Tájikstan qosymsha 12 shaqyrym shekarany bekitti
Qyrǵyzstan men Tájikstannyń topografııalyq jumys toby taǵy 11,88 shaqyrym qyrǵyz-tájik memlekettik shekarasyn kelisti, dep habarlaıdy Kazinform QR Mınıstrler kabınetiniń baspasóz qyzmetine silteme jasap.
Býstonda 17-23 jeltoqsan aralyǵynda Qyrǵyzstan men Tájikstannyń memlekettik shekara delımıtatsııasy men demarkatsııasy boıynsha úkimettik delegatsııanyń topografııalyq jumys toptarynyń kezekti kezdesýi ótti. Onda eki eldiń 11,88 shaqyrym memlekettik shekarasy kelisildi.
Taraptar qalǵan aýmaqtardy sıpattaý jumysyn Qyrǵyz Respýblıkasynda ótetin kelesi kezdesýde jalǵastyrady. Kezdesý qorytyndysy boıynsha tıis hattama toltyryldy.
Tájikstan men Qyrǵyzstannyń 970 shaqyrymǵa sozylatyn ortaq shekarasy bar ekenin eske sala keteıik. Oǵan qosa júzdegen shaqyrym shektesý syzyǵy áli anyqtalyp, bekitilmegen. Taraptar kezektese otyryp bir-biriniń aýmaǵynda kezdesý ótkizedi.
