Qyrǵyzstan men Slovenııa dıplomattaryna vızasyz rejım engizildi
ASTANA. KAZINFORM — Qyrǵyz Respýblıkasynyń prezıdenti Sadyr Japarov Qyrǵyzstan men Slovenııa arasyndaǵy dıplomatııalyq pasport ıelerine arnalǵan qysqa merzimdi vızasyz rejım týraly kelisimdi ratıfıkatsııalaý jónindegi zańǵa qol qoıdy, dep habarlaıdy Kabar.
Atalǵan qujat 2025 jylǵy 16 qazanda Lıýblıana qalasynda jasalǵan. Zańdy Qyrǵyz Respýblıkasynyń Jogorký Keneshi 2026 jylǵy 12 naýryzda qabyldaǵan.
Kelisimge sáıkes, dıplomatııalyq pasport ıeleri eki el aýmaǵyna vızasyz kirip-shyǵa alady, tranzıtpen óte alady jáne 180 kún ishinde 90 kúnnen aspaıtyn merzimde bola alady.
Bul zań kelisimdi ratıfıkatsııalaý úshin qajetti ishki rásimderdi aıaqtaýǵa baǵyttalǵan.
Osyǵan deıin Qyrǵyzstanda shetel azamattarynyń elde bolý tártibi ózgergenin jazǵan bolatynbyz.
Sonymen qatar, 170 myńǵa jýyq qyrǵyzstandyq shetelge jumys isteýge ketkeni anyqtaldy.
