Qyrǵyzstan men Ózbekstan zeınetaqy ótilin ózara moıyndaýǵa kelisti
ASTANA. KAZINFORM — Qyrǵyz Respýblıkasynyń Áleýmettik qory men Ózbekstan Respýblıkasynyń Memlekettik emes zeınetaqy qory memlekettik áleýmettik saqtandyrý jáne zeınetaqymen qamsyzdandyrý týraly kelisim jobasyn maquldady, dep habarlaıdy Kazinform agenttiginiń menshikti tilshisi.
QR Áleýmettik qorynyń dereginshe, Qyrǵyzstan men Ózbekstan azamattary saqtandyrý jáne memlekettik zeınetaqylardy qosarlanǵan saqtandyrý jarnalaryn tólemeı-aq teń quqyqpen alatyn bolady.
Kelisimde mynadaı normalar qarastyrylǵan:
zeınetaqy taǵaıyndaý úshin saqtandyrý ótilin qosý;
azamattarǵa zeınetaqyny olardyń turyp jatqan eline qaramastan tikeleı tóleý, jetkizý shyǵyndaryn ustamaı júzege asyrý;
qosarlanǵan aýdarymdarǵa jol bermeý úshin issaparlar men merzimdi uzartýǵa qatysty erejeler engizý.
Atalǵan kelisimniń júzege asyrylýy ekijaqty qatynastardy nyǵaıtyp qana qoımaı, áleýmettik jáne ekonomıkalyq yntymaqtastyqqa qosymsha múmkindik beredi. Onyń ishinde iri ınfraqurylymdyq jobalar aıasyndaǵy seriktestikti damytýǵa jol ashady.
Buǵan deıin Qyrǵyzstannyń iri ınvestorlarǵa jaǵdaıdy jeńildetetini habarlanǵan bolatyn.