Qyrǵyzstan men Ózbekstan taýar aınalymyn 2 mlrd dollarǵa deıin arttyrýdy kózdep otyr
BІShKEK. KAZINFORM — Sholpan-Atada qyrǵyz-ózbek ekijaqty yntymaqtastyq jónindegi úkimetaralyq komıssııasynyń 12-shi otyrysy ótti, dep habarlaıdy Kazinform agenttiginiń Bishkektegi menshikti tilshisi.
Otyrys Qyrǵyzstan premer-mınıstri Adylbek Qasymalıev pen Ózbekstan premer-mınıstri Abdýlla Arıpovtyń teń tóraǵalyǵymen ótti.
Qyrǵyz úkimetiniń basshysy Qyrǵyzstannyń Ózbekstanmen saýda-ekonomıkalyq yntymaqtastyqty tereńdetýge erekshe mán beretinin atap ótti.
— 2025 jyldyń qorytyndysy boıynsha elderimiz arasyndaǵy saýda aınalymy 1 mlrd dollardan asty, bul 2024 jylmen salystyrǵanda 19%-ǵa kóp. Sońǵy bes jylda ol eki ese ósken. Biz birlesip 2030 jylǵa qaraı ózara saýda kólemin 2 mlrd dollarǵa deıin arttyrý maqsatyn qoıdyq, — dedi Adylbek Qasymalıev.
Taraptar «Qytaı-Qyrǵyzstan-Ózbekstan» temirjol jobasynyń belsendi túrde júzege asyrylyp jatqanyn rastady. Qambarata-1 sý elektr stantsııasynyń strategııalyq qurylysy boıynsha birlesken jumys ta atap ótildi.
Kezdesýdiń bas nátıjesi logıstıka jáne agroónerkásip salalaryndaǵy kelisimderdi resimdeıtin Hattamaǵa qol qoıý boldy.
