Qyrǵyzstan men Ózbekstan shekarasynda áseri kúshti dári-dármek partııasy tárkilendi
ASTANA.KAZINFORM - Qyrǵyzstannan Ózbekstanǵa 9,5 myńnan astam kúshti áser etetin dárilik zat kapsýlalaryn tasymaldaýǵa áreket jasaldy, dep habarlaıdy Nova24.uz.
Ferǵana oblysynda ózbek-qyrǵyz shekarasyn zańsyz kesip ótken Ýchkýprık aýdanynyń 43 jastaǵy turǵynynan quny 1 mıllıard 320 mıllıon sým bolatyn 9542 kúshti áser etetin «Zardeks» dárilik zatynyń tabletkasy tabylyp, tárkilengeni habarlandy.
Ustalǵan adamǵa qatysty shekaradan zańsyz ótý, kontrabandalyq jáne kúshti áser etetin esirtki saýdasyna qatysty zań baptary boıynsha qylmystyq is qozǵaldy. Ol qamaýǵa alynyp, tergeý bastaldy.
2025 jyldyń qazan aıynyń sońynda qazaq-qyrǵyz shekarasynda medıtsınalyq qurylǵylardy kontrabandalyq jolmen alyp ótý operatsııasy toqtatyldy.
Osyǵa deıin Tájikstanda 2025 jyly 5 tonnadan astam esirtki tárkilengeni týraly jazdyq.