Almaty oblysynyń eki aýylyna jer silkinisi sezildi
ASTANA. KAZINFORM – QR TJM «Seısmologııalyk zertteý ınstıtýty» JShS seısmıkalyq stantsııalar jelisimen 2024 jylǵy 02 qarashada Astana ýaqytymen 10 saǵat 50 mın jer silkinisi tirkeldi.
«Jer silkinisiniń oshaǵy Qyrǵyzstan men Qytaı shekarasynda Almaty qalasynan ońtústik-shyǵysqa qaraı 258 km jerde ornalasqan. Eseptik qarqyndylyǵy (ballmen) 2 baldy quraǵan jer silkinisi Almaty oblysy Raıymbek aýdany Narynqol jáne Kegen aýdany Kegen aýyldarynda (taýly aımaqtar) sezilgen», — delingen habarlamada.
Zardap shekkender men qıraýlar týraly málimet túsken joq.
Eske sala keteıik, buǵan deıin Almatyda qandaı úıler jer silkinisine tótep bere alatyny týraly jazǵan bolatynbyz. Almaty 10 baldyq jer silkinisi bolýy yqtımal seısmıkalyq qaýipti aımaqta ornalasqan.
