Qyrǵyzstan men Qazaqstan shekarasynda 410 júk kóligi kezekte tur
Búgin qyrǵyz-qazaq shekarasyndaǵy «Aq-tilek-avtodorojnyı» baqylaý-ótkizý pýnkti aldynda júk kólikteri kepteliste tur, dep habarlaıdy Kazinform agenttiginiń menshikti tilshisi Qyrǵyz Respýblıkasynyń MUQK Shekara qyzmetiniń baspasóz qyzmetine silteme jasap.
Vedomstvo aqparaty boıynsha, ótken táýlikte «Aq-tilek-avtodorojnyı» ótkizý pýnkti arqyly Qyrǵyzstannan Qazaqstanǵa jeńil kólik pen Kant tsement zaýyty ónimin tıegen júk kólikterin eseptemegende 297 júk kóligi kirgen.
«Aq-tilek-avtodorojnyı» ÓBP ótkizý qabiletin arttyrý sharalary qabyldanyp jatqanyna qaramastan júk kólikteri jınalyp qalǵan.
2023 jyldyń 23 qazany 12:00-degi jaǵdaı boıynsha, Qyrǵyzstannan shyǵý úshin «Aq-tilek-avtodorojnyı» ÓBP aldynda 410 júk kóligi keptelip tur.
Júk kólikteriniń bulaısha jınalyp qalýy maýsymdyq jaǵdaı ekeni jáne Qyrǵyz Respýblıkasynan aýylsharýashylyq ónimderi, halyq tutynatyn taýarlar eksportynyń artýyna baılanysty bolatyny aıtylǵan.
Qyrǵyz jáne Qazaqstan Respýblıkasynyń Shekara qyzmeti júk kólikterine shekteý engizilmegenin atap ótti. Qyrǵyz-qazaq memlekettik shekarasyndaǵy barlyq ótkizý pýnkteri qalypty rejımde jumys istep tur.
