Qyrǵyzstan men Germanııa kún elektr stantsııasyn qurý týraly kelisimge keldi
ASTANA. KAZINFORM — Qyrǵyzstan men Germanııa eki qalqymaly kún elektr stantsııasyn qurý týraly kelisimge qol qoıdy. Bul týraly Anadoly aqparat agenttigi jazdy.
Qyrǵyzstan prezıdentiniń baspasóz qyzmetiniń habarlaýynsha, Sadyr Japarov resmı saparmen Germanııada prezıdent Frank-Valter Shtaınmaıermen jáne kantsler Olaf Sholtspen jeke kezdesýler ótkizdi.
Japarov prezıdent Shtaınmaıermen kezdesýinde Qyrǵyzstanda halyqtyń ál-aýqatyn arttyrýǵa, ekonomıkany nyǵaıtýǵa jáne qolaıly ınvestıtsııalyq ahýal jasaýǵa baǵyttalǵan aýqymdy reformalar týraly aıtty.
Qyrǵyzstan prezıdenti Germanııa kantsleri Sholtspen jeke kezdesýde qyrǵyz-german yntymaqtastyǵyn odan ári nyǵaıtýdyń mańyzdylyǵyn atap ótti.
— Biz nemis kásiporyndarynyń ekonomıkamyzǵa qatysýyn quptaımyz, — dedi ol.
Kelissózder nátıjesinde Qyrǵyzstan Mınıstrler kabıneti men birqatar mamandandyrylǵan nemis kompanııalary 2 qalqymaly kún elektr stantsııasyn salý jáne paıdalaný týraly kelisimge qol qoıdy.