Qyrǵyzstan memlekettik tirkeýsiz dinı nekege tyıym salmaqshy

ASTANA.KAZINFORM — Sonymen qatar, 18 jasqa tolǵannan keıin neke qıylatyn «neke jasyn» belgileý josparlandy.

Qyrǵyzstannyń Eńbek, áleýmettik qamsyzdandyrý jáne kóshi-qon mınıstrligi nekeni memlekettik tirkeýsiz dinı neke qııý rásimin ótkizý úshin jaýapkershilik ornatýdy usynyp otyr. Tıisti zań jobasy qoǵamdyq talqylaýǵa shyǵaryldy.

Zań jobasyna sáıkes, tyıym salýdy buzý jeke tulǵalarǵa 100 aılyq eseptik kórsetkish (10 myń som) mólsherinde aıyppul salýǵa ákep soǵady. Túzetýler keıbir jaǵdaılarda 17 jastan bastap nekege turýǵa múmkindik beretin normany joıýdy usynady.

Qazaqstanda tek ýákiletti organdar qıǵan neke ǵana (erli-zaıyptylyq) zańdy dep tanylady. Dinı rásimder zańdy mindetter týǵyzbaıdy jáne memleket moıyndamaıdy.

Birikken Arab Ámirlikterinde nekege turý aldynda mindetti genetıkalyq testileý engizilgeni buǵan deıin habarlanǵan bolatyn.