Qyrǵyzstan mektepterde sıntetıkalyq esirtkini anyqtaý jobasyn ázirlep jatyr

ASTANA. KAZINFORM — Qyrǵyzstannyń Densaýlyq saqtaý mınıstrligi mektepterdegi sıntetıkalyq esirtkini anyqtaý jobasyn ázirleýge kóshti, dep habarlaıdy Kabar.

Árbir mektepte aǵyndy sýlardan synama alynyp, onyń quramynda sıntetıkalyq esirtki zattarynyń bar-joǵy anyqtalmaq. Bul týraly Qyrǵyz Respýblıkasynyń Densaýlyq saqtaý mınıstri Erkın Checheıbaev «Ata-Jurt Kyrgyzstan» parlamenttik fraktsııasynyń otyrysynda aıtty.

Mınıstrdiń aıtýynsha, vedomstvo reseılik tarappen birlesip jobany júzege asyryp jatyr.

— Ár mektepte aǵyndy sýdan synama alynady. Eger quramynda sıntetıkalyq esirtki anyqtalsa, ІІM tarapynan nysanaly tekserýler men jedel is-sharalar júrgizýge múmkindik bolady. Biz barlyq oqýshyny, stýdent pen el azamattaryn jeke-jeke teksere almaımyz, biraq osy ádis arqyly jaǵdaıdy anyqtaýǵa bolady. Qazir bul joba ázirlený ústinde. Qazirgi ýaqytta kelissózder júrgizip jatyrmyz, — dedi Erkın Checheıbaev.

Osydan buryn Qyrǵyzstannyń Densaýlyq saqtaý mınıstrliginiń basshysy el halqynyń qoǵamdyq densaýlyǵyn jaqsartý maqsatynda temekige salynatyn aktsızdik salyqty arttyrýdy usyndy.