Qyrǵyzstan mektepter men aýrýhanalar tapshylyǵyn qashan tolyq sheshedi
ASTANA. KAZINFORM — Qyrǵyzstan bıligi mektepter men aýrýhanalardyń jetispeýshiligin 2028 jylǵa deıin sheshýdi kózdep otyr, dep habarlaıdy Kazinform agenttiginiń Bishkektegi menshikti tilshisi.
Bul týraly Qyrǵyzstan prezıdenti Sadyr Japarov «Bishkek Arena» jańa stadıonynyń resmı ashylý saltanatynda málimdedi.
Qyrǵyzstan basshysynyń aıtýynsha, el ekonomıkasy 2021 jyldyń sońynan beri turaqty ósim kórsetip keledi. Sońǵy úsh-tórt jylda jalpy ishki ónim jyl saıyn keminde 9 paıyz ósken.
— 2027 jylǵa deıin 111 mektep salyp, 44 aýdandyq aýrýhana bólimshesiniń qurylysyn tolyq aıaqtaý kózdelip otyr. 2028 jyldan bastap mektepter men basqa da áleýmettik nysandardyń jetispeýshiligi bolmaýǵa tıis, — dedi Qyrǵyzstan basshysy.
Buǵan deıin Qyrǵyzstanda mamandandyrylǵan mektepter ashylatyny týraly jazǵan edik.
