Qyrǵyzstan mal ımportyna shekaralyq baqylaýdy kúsheıtpek
Qyrǵyzstan el shekarasyndaǵy veterınarlyq baqylaý beketterinde maldyń ákelinýine baqylaýdy kúsheıtip jatyr, dep habarlaıdy Kazinform Qyrǵyz Respýblıkasynyń Sý resýrstary, aýyl sharýashylyǵy jáne óńdeý ónerkásibi mınıstrliginiń baspasóz qyzmetine silteme jasap.
Vedomstvonyń habarlaýynsha, QR memlekettik shekarasyndaǵy 32 shekaralyq veterınarlyq pýnktterge veterınarlyq qyzmetke elge kirgiziletin mal men mal ónimderiniń protsedýralyq óndirisin qaraý kezinde mynadaı qujattar usynylýy kerek:
- Qyrǵyz Respýblıkasy bas veterınarlyq ınspektory kelisimi men resmı berilgen ruqsat qaǵazynyń túpnusqasy;
- el aýmaǵyna tasymaldaýmen aınalysatyn (ımport) jeke jáne zańdy tulǵalardy tirkeý boıynsha veterınarlyq qyzmetti memlekettik reesterde tirkeý;
- EAEO veterınarlyq-sanıtarııalyq talaptaryna sáıkes veterınarlyq ilespe qujattar;
Janýarlar shekaralyq veterınarlyq baqylaý pýnktterinde veterınarlyq baqylaýdan ótkennen keıin veterınarlyq-sanıtarııalyq talaptarǵa sáıkes karantınge jiberiledi.
Shekaradaǵy veterınarlyq baqylaý pýnktteri men aýmaqtarynda veterınarlyq-sanıtarııalyq talaptardy saqtamaǵan, sondaı-aq juqpaly aýrýlardyń taralýyna jol bergen zańdy jáne jeke tulǵalarǵa qatysty eldiń zańnamasyna sáıkes tıisti sharalar qabyldanatyn bolady.
