Qyrǵyzstan qos famılııaǵa ruqsat berýdi usyndy
ASTANA. KAZINFORM — Qyrǵyzstan ata-analarǵa balalaryna ákesi men anasynyń tegin biriktirý arqyly jasalǵan qos famılııa berýge ruqsat berýdi usyndy, dep habarlaıdy Kazinform agenttiginiń Bishkektegi tilshisi.
Tıisti zań jobasyn parlament depýtattarynyń toby qoǵamdyq talqylaýǵa usyndy.
Usynylǵan túzetýlerge sáıkes, ata-analardyń kelisimimen balaǵa týǵan kezde ata-analarynyń tegin kez kelgen retpen syzyqshamen biriktirý arqyly jasalǵan qos famılııa berilýi múmkin. Alaıda, úsh famılııany biriktirýge ruqsat etilmeıdi. Bul shekteý keıingi urpaq teginiń tym kúrdelenip ketpeýine jol bermeýge baǵyttalǵan.
Buǵan deıin Qyrǵyzstan bir jynysty nekege tyıym salýdy qarastyryp jatqanyn habarlaǵan edik.
