Qyrǵyzstan kómir eksportyna tyıym saldy
BІShKEK. KAZINFORM – Qyrǵyzstannyń mınıstrler kabıneti elden kómirdi EAEO kedendik aýmaǵynan tys jerlerge tasymaldaýǵa ýaqytsha tyıym saldy, dep habarlaıdy Kazinform menshikti tilshisi.
Qaýlyǵa sáıkes, tyıym alty aı merzimge salynady. «Irkeshtam-avtodorojnyı» jáne «Torýgart-avtodorojnyı» avtomobıl ótkizý beketterinen basqa barlyq jerde tyıym salynǵan. Shekteý «Qyrǵyzkómir» memlekettik kásiporny EAEO Syrtqy ekonomıkalyq qyzmettiń taýar nomenklatýrasynyń 2701 jáne 2702 kodtary boıynsha jiktelgen kómirdi Qyrǵyz Respýblıkasynyń memlekettik shekarasy arqyly ótkizý pýnktteri arqyly avtomobıl kóligimen eksporttaǵan kezde qoldanylmaıdy.
Buǵan deıin Qyrǵyz Respýblıkasynyń Ekonomıka jáne saýda mınıstrligi Eýrazııalyq ekonomıkalyq odaqqa múshe emes elderden Qyrǵyzstan aýmaǵyna temeki ákelýge, tranzıtke jáne keri eksporttaýǵa alty aı merzimge tyıym salýdy usyndy.
Aǵymdaǵy jyldyń tamyz aıynda elden Eýrazııalyq ekonomıkalyq odaqtyń kedendik aýmaǵynan tys jerlerge metall synyqtary men qaldyqtaryn áketýge ýaqytsha tyıym salý uzartyldy.
