Qyrǵyzstan kómir eksportyna tyıym merzimin uzartýǵa nıetti

BІShKEK. KAZINFORM – Qyrǵyzstannyń Energetıka mınıstrligi kómirdi avtomobıl kóligimen eksporttaýǵa tyıym salýdy alty aıǵa uzartýdy usynyp otyr, dep habarlaıdy Kazinform menshikti tilshisi.

Qyrǵyz Respýblıkasy Mınıstrler kabınetiniń tıisti qaýlysy qoǵamdyq talqylaýǵa usynyldy.

Qujatqa sáıkes, tyıym «Irkeshtam-Avtodorojnyı» jáne «Torýgart-Avtodorojnyı» avtomobıl shekarasynan ótetin joldarǵa qatysty qoldanylmaıdy. Shekteýler Qyrǵyz Respýblıkasy Energetıka mınıstrligine qarasty «Qyrǵyzkómir» memlekettik kásipornyna EAEO TN VED 2701 jáne 2702 kodtary boıynsha jiktelgen kómirdi Qyrǵyzstannyń memlekettik shekarasynan ótetin joldarmen eksporttaǵan kezde qoldanylmaıdy.

Kómir eksportyna buryn qabyldanǵan shekteýler eldiń qatty otynǵa degen ishki qajettilikterin tolyq qanaǵattandyrýǵa múmkindik bergen. Sonymen qatar kómir baǵasynyń kúrt ósýine jol bermeı, áleýmettik osal toptarǵa kómir sýbsıdııalary arqyly jáne otynnyń basqa túrlerine qoljetimdiligi shekteýli aımaqtarda kómir tapshylyǵynyń aldyn alǵany atap ótildi.

Qyrǵyzstan kartop ımportyna shekteý engizbek.