Qyrǵyzstan kómir eksportyna salynǵan tyıymdy taǵy uzartpaq
ASTANA. KAZINFORM — Qyrǵyzstanda el aýmaǵynan kómirdi avtokólikpen tasyp shyǵarýǵa alty aı merzimge ýaqytsha tyıym salý usynyldy, dep habarlaıdy Kazinform agenttiginiń Bishkektegi menshikti tilshisi.
Tıisti qujat qoǵamdyq talqylaýǵa shyǵaryldy.
Shekteý «Irkeshtam-avtomobıl» jáne «Torýgart-avtomobıl» ótkizý beketterine qoldanylmaıdy. Al «Kyrgyzkómúr» ashyq aktsıonerlik qoǵamyna EAEO SEQ TN-niń 2701 jáne 2702 kodtaryna jatatyn kómirdi Qyrǵyzstannyń memlekettik shekarasyndaǵy ótkizý beketteri arqyly avtokólikpen eksporttaýǵa ruqsat etiledi.
Bul shara el ishinde kómir tapshylyǵyn boldyrmaýǵa, ásirese kúzgi-qysqy kezeńde baǵany turaqtandyrýǵa jáne kómirdiń zańsyz tasymalyna jol bermeýge baǵyttalǵan.
Eske sala keteıik, 2026 jylǵy maýsymda Qyrǵyzstan kómir eksporttaýǵa salynǵan tyıymnyń merzimin uzartqan edi.
Sonymen qatar elde janar-jaǵarmaı ımporttaýshylarǵa beriletin sýbsıdııa merzimi 2026 jylǵy 31 jeltoqsanǵa deıin uzartylǵany habarlanǵan bolatyn.
Buǵan deıin Qyrǵyzstan prezıdenti Sadyr Japarovtyń eldegi energııa tapshylyǵyn joıý sharalaryn qolǵa alǵany habarlanǵan bolatyn.
