Qyrǵyzstan kólik saýdasyna salynatyn salyqty alyp tastady
ASTANA.KAZINFORM - Qyrǵyzstanda 2029 jyldyń 1 qańtaryna deıin jeńil avtokólikterdi satýǵa salyq jeńildikteri engizildi, dep habarlaıdy Qyrǵyzstan Respýblıkasynyń Memlekettik salyq qyzmeti.
Bul sharalar halyqqa salynatyn salyq aýyrtpalyǵyn azaıtýǵa jáne avtomobıl naryǵyndaǵy ashyqtyqty arttyrýǵa baǵyttalǵan.
Qyrǵyzstan Respýblıkasynyń Salyq kodeksine qabyldanǵan túzetýlerge sáıkes, kelesi salyq jeńildikteri qarastyrylǵan:
* jeke tulǵalardyń (jeke kásipkerler men zańdy tulǵalardan basqa) kúntizbelik jyl ishinde ekiden kóp kólik satýy júıeli qyzmet bolyp sanalmaıdy;
* jeke tulǵalardyń jeńil avtokólikterdi satýy tabys salyǵyna jatpaıdy;
* kólikterdi satýdan túsken tabys korporatıvtik tabys salyǵynan bosatylady;
* jeńil avtokólikterdi jetkizý QQS-tan bosatylady;
* jeńil avtokólikterdi satý salyqtan bosatylady.
Sonymen qatar, jeke tulǵalar (jeke kásipkerlerden basqa) 2026 jyldyń 1 qańtaryna deıin avtokólikterdi satýdan alynǵan tabys boıynsha salyqtardy, aıyppuldardy jáne sanktsııalardy tóleýden bosatylady.
Buǵan deıin Qyrǵyzstan qurylys salasynan tender júıesin alyp tastaýdy kózdep otyrǵanyn habarlaǵan edik.