Qyrǵyzstan kólik kýzovyn ákelýge tyıym salýdy usyndy

ASTANA. KAZINFORM — Qyrǵyz Respýblıkasynyń Ekonomıka mınıstrligi alty aıǵa kólik kýzovyn ákelýge tyıym salýdy usynyp otyr, dep habarlaıdy Kazinform tilshisi.

Qyrǵyz Respýblıkasy Mınıstrler Kabınetiniń tıisti qaýlysy qoǵamdyq talqylaýǵa shyǵaryldy.

Bastamashylardyń aıtýynsha, Qyrǵyz Respýblıkasy azamattarynyń arasynda sheteldiń jalǵan qujaty men tirkeý nómiri bar kólikterin elge ákelip, tizgindeý faktileri jıilegen.

— Importtyq qosalqy bólshekterden jáne basqa kólikterdiń agregattarynan qurastyrylǵan kólikterdi zańsyz paıdalaný faktileri bar. Qyrǵyz Respýblıkasynyń mehanıkalyq kólik quraldaryn tirkeý salasyndaǵy normatıvtik quqyqtyq aktileri jeke tulǵalarǵa osy kólik quralyn tirkeýge múmkindik bermeıdi. Sonymen qatar, jalǵan qujattarmen aýystyrý faktileri jıi tirkeldi, bul elge ákelinetin kólik quraldaryn kedendik resimdeýden ótpeı zańdastyrýǵa jáne barlyq kedendik tólemder men alymdardy tóleýden jaltarýǵa ákelip soqtyrady, — delingen qujatta.

Qyrǵyzstannyń «DT Tehnık», «TNK Shýmkar», «Jısý», «Shýnfa», «Mýrat Avto», «Qyrǵyz Ýnaa Kýrýlýsh», «Merıdıan Gold» kásiporyndary ákelgen elde óndirýge jáne qurastyrýǵa arnalǵan avtomobılderdiń kýzovtaryna shekteý qoıylmaıdy.

Buǵan deıin el astanasyndaǵy keptelis máselesin sheshý úshin parlament Bishkekte oń róldi kólikterge tyıym salýdy usyndy.