Qyrǵyzstan Qyzyl kitabyn jańartady
BІShKEK. KAZINFORM - Qyrǵyzstan Qyzyl kitabyn jańartýǵa 21 mln som bóledi, dep habarlaıdy Kazinform agenttiginiń Bishkektegi menshikti tilshisi.
Tabıǵı resýrstar, ekologııa jáne tehnıkalyq qadaǵalaý mınıstrligi Ulttyq ǵylym akademııasymen birlesip eldiń Qyzyl kitabyn jańartý boıynsha aýqymdy ǵylymı jumysyn bastady.
Ǵalymdar eki jyl ishinde sırek kezdesetin jáne joıylyp bara jatqan janýarlar, ósimdikter men sańyraýqulaq túrleriniń jaǵdaıy týraly derekter jınaý úshin eldiń barlyq aımaqtarynda keshendi zertteýler júrgizedi.
Qazirgi ýaqytta Qyrǵyzstannyń Qyzyl kitabyna qustardyń 57 túri, sútqorektilerdiń 23 túri, qosmekendilerdiń 2 túri, baýyrymen jorǵalaýshylardyń 8 túri, balyqtardyń 7 túri, býynaıaqtylardyń 18 túri jáne joǵary satydaǵy ósimdikter men sańyraýqulaqtyń 89 túri engizilgen.
Eske salsaq, 2025 jyldyń qańtarynda Qyrǵyzstan aýmaǵynda sońǵy on jylda alǵash ret ortaazııalyq ózen kámshaty anyqtaldy.
Osyǵan deıin Qyrǵyzstanda ilbisti atqandarǵa 2 mln som aıyppul salynatyny habarlandy.
