Qyrǵyzstan Qytaıǵa qaryzyn 2035 jylǵa deıin tolyǵymen óteıdi
BІShKEK. KAZINFORM — Qyrǵyzstan prezıdenti Sadyr Japarov jýrnalıst Álı Toktakýnovqa bergen suhbatynda eldiń syrtqy qaryzy týraly jaǵdaıǵa qatysty túsinik berdi, dep habarlaıdy Kazinform-nyń Bishkektegi menshikti tilshisi.
Qyrǵyzstan basshysynyń aıtýynsha, memlekettiń 2020 jylǵa deıingi jalpy qaryzy 5 mlrd dollar nemese JІÓ-niń 70%-y boldy. Onyń ishinde syrtqy qaryz 4,2 mlrd dollar, al ishki qaryz — 708 mln dollar.
2026 jyly jalpy qaryz 10 mlrd dollarǵa jetti, bul JІÓ-niń 37%-yn qurady. Syrtqy qaryz 5,2 mlrd dollarǵa deıin, al ishki qaryz 4,8 mlrrd dollarǵa deıin ósti. Osy jyldary syrtqy qaryz tek 1 mlrd dollarǵa ósken, nesıeler ártúrli halyqaralyq qarjy ınstıtýttary men Qytaıdan alyndy.
Sadyr Japarov 2020 jylǵa qaraı eldiń Qytaıǵa syrtqy qaryzy 1,8 mlrd dollar bolǵanyn, biraq sońǵy bes jylda el 500 mln dollar ótegenin naqtylady.
— Biz qaryzymyzdy 1,3 mlrd dollarǵa deıin azaıttyq, ony 2035 jylǵa deıin tolyq óteýdi josparlap otyrmyz, — dedi ol.
Aıta ketelik Qyrǵyzstan prezıdenti ekinshi merzimge saılaýǵa túsýge nıetti.
