Qyrǵyzstan kıbersportty resmı túrde moıyndaýdy usyndy

ASTANA.KAZINFORM - Qyrǵyzstanda kıbersportty memleket qoldaýymen resmı túrde tanýǵa jáne júıeli damytýǵa baǵyttalǵan zań jobasy usynyldy, dep habarlaıdy Kazinform agenttiginiń Bishkektegi tilshisi.

Qazirgi ýaqytta elde kıbersport damyp kele jatqany, biraq tıisti quqyqtyq retteýdiń joqtyǵy atalyp ótti. Týrnırler men jarystardy jeke uıymdar men bastamashyl toptar biryńǵaı erejelersiz nemese memlekettik retteýsiz ótkizedi.

Zań jobasy mynalardy kózdeıdi:

* Qyrǵyzstanda kıbersportty sport túri retinde taný, onyń zańdy mártebesin anyqtaý resmı ulttyq quramalardy qurýǵa múmkindik beredi;

* mektep jáne stýdenttik kıbersport komandalaryn qurý múmkindigi;

* jarystarǵa, sportshylardyń jattyǵýlaryna jáne qyrǵyzstandyqtardyń halyqaralyq kıbersport týrnırlerine qatysýyna jaǵdaı jasaý;

* balalardyń jarystarǵa qatysýynyń naqty erejelerin engizý, sonyń ishinde ata-analardyń mindetti kelisimi men jas shekteýleri;

* ınvestıtsııa tartý, jańa jumys oryndaryn qurý jáne eldegi tsıfrlyq ekonomıkany damytý.

Buǵan deıin Qyrǵyzstanda mádenıet salasy qyzmetkerleriniń jalaqysy 100% ósetinin habarlaǵan edik.