Qyrǵyzstan qazaqstandyq kásipkerge izdeý jarııalady
ASTANA. KAZINFORM – Q. Asanbektiń (Qamshy Kólbaev) uıymdasqan qylmystyq topty qarjylandyrý faktisi boıynsha qazaqstandyq kásipker, «Sımıram» demalys ortalyǵynyń ıesi Taırov ıAsynjan Nııazulyna izdeý saldy. Bul týraly Qyrǵyzstan Respýblıkasynyń Ulttyq qaýipsizdik memlekettik komıteti habarlady.
Komıtettiń málimetinshe, qylmystyq jolmen alynǵan kiristerdi zańdastyrý (jylystatý) faktisi boıynsha tirkelgen sotqa deıingi is júrgizý materıaldary boıynsha tergeý, jedel is-sharalar júrgizý sheńberinde qazaqstandyq kásipker Taırov ıAsynjan Nııazulynyń «Bratskıı krýg» halyqaralyq qylmystyq topbyna kirgen Q. Asanbektiń uıymdasqan qylmystyq top qyzmetin qarjylandyrý faktileri anyqtaldy.
Máselen, ıAsynjan Taırov Q.Asanbektiń reket, bopsalaý, qylmystyq qoǵamdastyq quramynda kásipkerlerden alym-salyqtardy júzege asyrý túrindegi zańsyz áreketterden aqsha qarajatyn júıeli túrde alýdaǵy qylmystyq qyzmeti týraly, sondaı-aq onyń aýyr jáne asa aýyr qylmystar úshin birneshe ret sottalǵandyǵy týraly bile otyryp, patronat alý maqsatynda Qyrǵyzstan aýmaǵynda birlesken bıznes jobalar júrgizý úshin baılanys ornatty.
Kabar agenttigi habarlaǵandaı, ıA. Taırov Q.Asanbektiń qylmystyq áreketin qarjylandyrý maqsatynda 200 myń AQSh dollary kóleminde aqsha bergeni anyqtaldy.
Sondaı-aq, «Sımıram» demalys ortalyǵynyń ıesi turaqty negizde bos ýaqyttary men demalystaryn uıymdastyrý úshin uıymdasqan qylmystyq top ókilderine kottedjder men bólmeler usynǵan. Sonymen qatar, qolda bar málimetterge sáıkes, ıA.Taırov árdaıym nazar aýdaryp, Q. Asanbekke merekelik is-sharalardy ótkizý kezinde qymbat syılyqtar usynyp kelgen.
Aıta ketý kerek, ıA.Taırov pen Q. Asanbek arasyndaǵy kezdesýler Sholpan-Ata qalasynda, Q. Asanbek pen oǵan úlestes tulǵalarǵa tıesili «Bars» kesheniniń aýmaǵynda ótti.
ıA. Taırovqa qatysty jınalǵan materıaldardyń negizinde Bishkek Oktıabr aýdandyq sotynyń qaýlysymen qamaýǵa alý túrindegi bultartpaý sharasy syrttaı saılandy, sondaı-aq ol qylmystyq jaýapkershilikke tartý úshin memleketaralyq jáne «Interpol» UBO jelisi boıynsha izdeý jarııalandy.
Materıaldy Kazinform úshin arnaıy Kabar seriktestik agenttigi usynǵan.
