Qyrǵyzstan Qazaqstan azamattarynyń elde bolýyna qatysty jańa ereje engizdi
BІShKEK. KAZINFORM – Qyrǵyzstanda Qazaqstan Respýblıkasy azamattary úshin elde bolýdyń jańartylǵan erejeler kúshine endi, dep habarlaıdy Kazinform menshikti tilshisi. https://www.inform.kz/ru/kirgizstan-vvel-novie-pravila-prebivaniya-dlya-grazhdan-kazahstana-1f3879
UQMK Shekara qyzmetiniń málimetinshe, 2025 jyldyń 1 qyrkúıeginen bastap Qazaqstan Respýblıkasynyń azamattary Qyrǵyz Respýblıkasynda alǵashqy kirgen kúninen bastap árbir 180 kún saıyn jalpy alǵanda 90 kúnge deıin bola alady. Qazaqstandyqtar alǵashqy 30 kún ishinde tirkeýden bosatylady. Atalǵan merzimnen keıin tirkeý qajet.
El aýmaǵynda 90 kúnnen artyq tirkeýsiz júrgen jaǵdaıda keıinnen elge kirý 90 kúnge shekteledi.
Qyrǵyzstanda zańdy bolý merzimin kelesi qujattar arqyly uzartý kerek:
- turǵylyqty jeri boıynsha tirkeý;
- turýǵa yqtııarhat;
- ýaqytsha turýǵa ruqsat;
- «Qaıyrylman» mártebesi;
- «Meken-kart»;
- «Rezıdent-kart»;
- Qyrǵyz Respýblıkasy qatysýshysy bolyp tabylatyn halyqaralyq sharttarda kózdelgen basqa da qujattar.
Eske salatyn bolsaq, 2024 jyldyń 5 qyrkúıeginen bastap Qyrǵyzstan Mınıstrler kabınetiniń 2024 jylǵy 31 shildedegi № 437 qaýlysyna sáıkes, sheteldikter men azamattyǵy joq azamattardyń elge kelýiniń jańa erejeleri kúshine enedi.