Qyrǵyzstan qart ata-anasynan bas tartqan balalardy túrmege jappaq
Qyrǵyzstannyń Jogorký Keneshiniń komıteti qarııa áke-sheshesin asyraýdan bas tartqan balalarǵa jazany qatańdatý jónindegi zań jobasyn birinshi oqylymda maquldady. QazAqparat bul týraly «Kabar» agenttigine silteme jasap habarlaıdy.
Qujattyń bastamashysy – depýtat Tazabek Ikramov.
Onyń sózinshe, zań jobasy eńbekke qabiletsiz jáne materıaldyq kómekke muqtaj ata-anasyn asyraýdan bas tartqan eńbekke qabiletti, kámelet jasyna tolǵan balalarǵa jazany qatańdatý jáne memlekettik qyzmetten shekteý maqsatynda ázirlendi.
Depýtat atap ótkendeı, qazirgi zań balalaryna jetkiliksiz kóńil bólgen ata-anany jaýapqa tartýǵa ǵana múmkindik beredi.
«Al ata-anasyn tastap ketkenderdi jaýapqa tartý úshin sot sheshimi qajet», - dep tolyqtyrdy ol.
Ata-anasyna qamqor bolýdan (alıment tóleýden) bas tartqan balalarǵa aıyppul salý nemese 1-2 jylǵa bas bostandyǵynan aıyrý usynylyp otyr.
Zań jobasy jekelegen zań aktilerine – Qylmystyq kodekske, Otbasy kodeksine, «Memlekettik azamattyq qyzmet jáne mýnıtsıpaldy qyzmet týraly» zańǵa ózgerister engizýdi qajet etedi.
