Qyrǵyzstan qara metall synyqtary men qaldyqtary eksportyna tyıymdy uzartty
BІShKEK. KAZINFORM — Qyrǵyzstan qara metall synyqtary men qaldyqtaryn eksporttaýǵa ýaqytsha tyıym salýdy alty aıǵa uzartty, dep habarlaıdy Kazinform-nyń Bishkektegi menshikti tilshisi.
Mınıstrler Kabınetiniń tıisti qaýlysyna 2026 jyldyń 18 aqpanynda qol qoıyldy.
Qujatta Qyrǵyz Respýblıkasynan qara metall synyqtary men qaldyqtaryn, sondaı-aq EAEO TN VED kody 7204 boıynsha jiktelgen qaıta balqytýǵa arnalǵan qara metall quımalaryn (shıhta quımalary) eksporttaýǵa alty aı merzimine ýaqytsha tyıym salý belgilengen.
Bul sharalar otandyq metallýrgııalyq kompanııalardy shıkizatpen qamtamasyz etý jáne joǵary sapaly qaıtalama metall synyqtaryna joǵary suranysty qanaǵattandyrý arqyly ishki naryqty qoldaýǵa baǵyttalǵan.
Ótken jyldyń qyrkúıeginde Eýrazııalyq ekonomıkalyq odaqtyń kedendik aýmaǵynan tysqary jerlerge qara metall synyqtary men qaldyqtaryn elden shyǵarýǵa alty aı merzimge ýaqytsha tyıym salynǵan bolatyn.
Osyǵan deıin Qyrǵyzstan makýlatýra eksportyna tyıym salǵanyn habarladyq.
Elde sondaı-aq elektrondy temeki ımportyna tyıym salynǵany belgili.