Qyrǵyzstan kalıandy zańdastyrmaq

BІShKEK. KAZINFORTM – Qyrǵyzstanda mamandandyrylǵan lıtsenzııalanǵan mekemelerde kalıan shegýge ruqsat berýdi usynylyp otyr, dep habarlaıdy Kazinform menshikti tilshisi. 

Qoǵamdyq talqylaýǵa usynylǵan zań jobasynda mynalar kózdelgen: 

* kalıan mekemelerin zańdastyrý úshin quqyqtyq jaǵdaılar jasaý;

* osy qyzmetti júzege asyrýǵa ruqsat berý (lıtsenzııalaý) tártibin belgileý;

* sanıtarlyq-gıgıenalyq, órt qaýipsizdigi jáne basqa da mindetti talaptardyń saqtalýyn qamtamasyz etý;

* zańsyz kásipkerlik qyzmettiń aýqymyn azaıtý.

Elde qoǵamdyq oryndarda temeki ónimderin, sonyń ishinde kalıan shegýge zańdy túrde tyıym salynǵan. Tyıym salynǵanyna qaramastan, mekemeler kalıan qyzmetterin zańsyz kórsetýdi jalǵastyryp keledi, al bıýdjet salyq túsimderinen aıyrylyp otyr.

«Horeka Klýb» qaýymdastyǵy men «Qyrǵyz qoǵamdyq tamaqtandyrý» ókilderiniń aıtýynsha, qazirgi tyıym kalıan qyzmetterine degen suranysty joımaıdy, kerisinshe, bul qyzmet túriniń kóleńkege ketýine, naryq ashyqtyǵyna kdergi keltirip, ákimshilik jáne sybaılas jemqorlyq táýekelderiniń arttyrýyna septigin tıgizedi.

Zań jobasynda mynalar usynylyp otyr:

* kalıan shegýge tek mamandandyrylǵan lıtsenzııalanǵan mekemelerde ruqsat berý;

* kalıan qyzmetterin lıtsenzııalanǵan qyzmet túrleriniń tizimine qosý;

• ǵımarattarǵa qoıylatyn talaptardy belgileý (bólek zaldar, jeldetý júıeleri, sanıtarlyq normalar):

• kalıan usynatyn mekemelerdiń mindetti tizilimin engizý.

Buǵan deıin Qyrǵyzstanda elektrondy temeki ımportyna tyıym salynǵanyn habarlaǵan edik.

Eske sala ketsek, 2025 jyldyń jeltoqsanynda Qazaqstanda 20 myńǵa jýyq kalıanhananyń qyzmeti zańdastyrylýy múmkin ekenin jazdyq.