Qyrǵyzstan halqynyń sany shamamen 7,3 mln adamdy qurady
ASTANA. KAZINFORM – Qyrǵyz Respýblıkasynyń turaqty turǵyndarynyń sany 2024 jyldyń qańtar-qyrkúıek aılarynda 91,7 myń adamǵa nemese 1,3 paıyzǵa ósip, 2024 jyldyń 1 qazanyndaǵy jaǵdaı boıynsha 7 mln 254 myń adamdy qurady, delingen Ulttyq statıstıkalyq komıtettiń materıalynda. Bul týraly Qyrǵyzstannyń Kabar aqparat agenttigi habarlaıdy.
Osylaısha, Halyqtyń jáne azamattyq hal aktilerin tirkeý departamentiniń málimetinshe, 2024 jylǵy qańtar-qyrkúıek aılarynda AHAT organdarynda 107,9 myń jańa týǵan náreste nemese 1000 turǵynǵa shaqqanda 20,0 (2023 jylǵy qańtar-qyrkúıekte 20,5) jáne 24,2 myń qaıtys bolǵan adam nemese 1000 turǵynǵa shaqqanda 4,5 (2023 jylǵy qańtar-qyrkúıekte 4,4) adam tirkelgen. Nátıjesinde halyqtyń tabıǵı ósimi 83,7 myń adamdy nemese 1000 turǵynǵa 15,5 (2023 jylǵy qańtar-qyrkúıekte 16,1) qurady.
2024 jyldyń qańtar-qyrkúıek aılarynda halyq sanynyń tabıǵı ósiminiń eń joǵary deńgeıi Batken, Osh jáne Jalal-Abad oblystarynda, eń tómen kórsetkishi Bishkek pen Ystyqkól oblysynda tirkelgen.
Osyǵan deıin Qyrǵyzstan túrki tildes halyqtar kitaphanasyn qurýdy usynǵany týraly jazdyq.
